Пленэр разьбяроў у Беластоцкім музеі вёскі

Жанчына, якая квасіць капусту, ганчар за работай, а таксама карчмар з бочкай мёду - гэта толькі некаторыя скульптуры, якія ўжо неўзабаве можна будзе ўбачыць у Беластоцкім музеі вёскі.

У музеі праходзіць разьбярскі пленэр, у якім удзельнічаюць майстры з усіх куткоў Польшчы, а перадусім з Падляшша.

Новыя фігуры таксама будуць служыць у якасці вулляў для пчол, адзначаюць удзельнікі пленэра:

- Скульптура ў выглядзе дзяўчыны, якая квасіць капусту.

- Гэта карчмар, які трымае бочку з мёдам.

- Гэта будзе дрывасек, які трымае ў руцэ сякеру. Скульптура будзе прыстасавана да размяшчэння вулея.

У пленэры ў Беластоцкім музеі вёскі прымаюць удзел разьбяры з Беластока, Саколкі, Чорнай Беластоцкай, і нават з Уладава, што на Любельшчыне. Свае скульптуры яны вырабляюць з таполі і вярбы.

Прэзентацыя вынікаў тыднёвай працы майстроў адбудзецца ў бліжэйшую нядзелю.

Лукаш Леанюк, Беларускае Радыё Рацыя

Фота аўтара