У Падляшскай оперы і філармоніі прайшоў фестываль імя Яна Тарасевіча

Адкрыты нанова мінулымі гадамі, цяпер уганараваны. У Падляшскай оперы і філармоні прайшоў фестываль імя Яна Тарасевіча – таленавітага беларускага кампазітара родам з Сакольшчыны.

Кшыштоф Станенда, піяніст:

– Вельмі добрая ідэя, што можна знаёміцца з новымі кампазітарамі, а не толькі граць тых найбольш вядомых, як Моцарт ці  Бетховен.

Дырэктар Падляшскай оперы і філармоніі Рабэтра Скальмоўскі:

– Ян Тарасевіч, які для нас, тых, хто працуе ў Падляшскай оперы і філармоніі, быў сімвалам сілы духу і сілы мастацтва Вялікага Княства Літоўскага.

Эдуард Швайко, дырэктар Культурнага цэнтра Беларусі ў Варшаве:

– Вельмі нам прыемна, што есць удзел беларускага боку ў гэтым праекце.

Алег Латышонак, старшыня Беларускага гістарычнага таварыства:

– Я шчаслівы, што завяршылася шматгадовая праца. Гады веры, што тое, што робім мае сэнс, што Тарасевіч дачакае сваіх дзён і дачакаўся.

Ян Тарасевіч – беларускі педагог, піяніст і кампазітар памёр у Беластоку ў 1961годзе.

Радэк Дамброўскі, Беларускае Радыё Рацыя, Беласток