Працы Міколы Купавы на дабрачынным аўкцыёне

Мікола Купава прэзентаваў праект "Тры партрэты Кастуся Каліноўскага". Ён прысвечаны ўгодкам нацыянальна-вызвольнага паўстання 1863—1864 гадоў.

Працы беларускі мастак пагадзіўся выставіць на аўкцыён. Палову атрыманых на аўкцыёне сродкаў Мікола Купава збіраецца перадаць на рэканструкцыю кляштара базыльянаў у Воршы. Помнік віленскага барока ўжо дзесяць гадоў стаіць без даху і разбураецца.

– Гэта абумоўлена і годам нашага героя, тут і юбілей яго. Таскама я хацеў прыцягнуць увагу да гэтай асобы ў нашай гісторыі. І па магчымасці, калі атрымалася б, прадаць, тады хоць нейкія невялікія сродкі маглі б паступаць туды.

Мікола Купава заклікае людзей, якія цікавяцца мастацтвам, а таксама падзяляюць заклапочанасць станам архітэктурнай спадчыны, узяць актыўны ўдзел у дабрачынным аўкцыёне. Падобны аўкцыён праводзіцца ў Беларусі ўпершыню.

Вадзім Батура, Беларускае Радыё Рацыя

Фота gazetaby.com