Аляксандр Тамковіч раскажа пра жыццё пасля кратаў

"Жыццё пасля кратаў". Публіцыст Аляксандр Тамковіч рыхтуе да прэзентацыі новую кнігу. Аўтар распавядае пра тое, што адбывалася ў жыцці ўдзельнікаў трагічных снежаньскіх падзей 2010 года, людзей, якія адбылі арышты за ўдзел у гэтак званых “масавых беспарадках". «Паспрабаваў зафіксаваць гісторыю», - кажа Аляксандр Тамковіч:

– Потым, калі пройдзе час, можа так здарыцца, што мы пачуем розныя рэчы пра Плошчу. На мой погляд, патрэбныя такія кніжкі. Гэта фіксацыя моманту.

"Жыццё пасля кратаў" - гэта дадатак да кнігі «Супраць плыні», якая была прэзентавана год таму. Новае выданне аўтар пашырыў: змясціў 27 артыкулаў, узбагаціў фотаздымкамі, большасць з якіх друкуецца ўпершыню. Прэзентацыя кнігі "Жыццё пасля кратаў" запланавана на 26 лютага ў офісе Партыі БНФ у Менску.

Вадзім Батура, Беларускае Радыё Рацыя