![]() |
![]() |
Як і дзе захоўваць творчую спадчыну мастакоў?
Віцебскі мастацкі музей шукаў карціны мастака Аляксандра Дасужава для нядаўняй пасмяротнай выставы па ўсіх прыватных калекцыях горада.
Праблема захавання спадчыны мастакоў як была так і застаецца актуальнай. Некаторыя мастакі самі рупяцца пра гэта і дораць свае карціны ў фонды музеяў, – кажа дырэктар Віцебскага мастацкага музея Вольга Акуневіч:
– Шмат мастакоў сёння перадаюць свае творы ў Віцебскі музей, і гэта, напэўна, вельмі важна, каб давяралі адно аднаму – і музей, і мастак. Каб была ўпэненасць у тым, што гэтыя творы захаваюцца, і што сапраўды яны будуць захоўвацца на вякі і выстаўляцца як напамін пра мастакоў.
Вялікія калекцыі сваіх работ падарылі Віцебскаму мастацкаму музею Рыгор Клікушын, Уладзімір Вітко, Фелік Гумен, Аляксандр Малей і многія іншыя.
Васіль Кроква, Беларускае Радыё Рацыя