Прэзентацыя юбілейнага зборніка Дануты Бічэль у “Крызе”

10 лютага ў прыватнай мастацкай галерэі “Крыга” вядомая беларуская паэтка і перакладчыца прадставіць гарадзенцам кнігу вершаў “Іду сцяжынаю да Бога”.

У кнігу, падрыхтаваную да 75-гадовага юбілею паэткі, увайшлі больш за 100 вершаў Дануты Бічэль.

Частка з іх з 1999 па 2012 гады друкавалася ў часопісах “Ave Maria”, “Наша вера”, у аўтарскіх зборніках, частка друкуецца ўпершыню.

Вокладку кнігі ўпрыгожыла адна з карцін дачкі паэткі - Вікторыі Ільіной.

Першая прэзентацыя кнігі адбылася 13 снежня ў Мінску.

Пачатак прэзентацыі а16-ай гадзіне.