“Культурнае бязмежжа” – гэта перадусім вандроўка ў свет культуры, культуры ва ўсіх яе праявах і іпастасях. Гутаркі з людзьмі мастацтва, асвятленне фестываляў, наведванне музеяў, выставовых галерэяў, тэатральных прэм’ераў. Мастакі, рамеснікі, літаратары, даследчыкі, фалькларысты, культуразнаўцы, людзі тэатра – вось невялікі адсотак тых, хто наведвае перадачу. “Культурнае бязмежжа”, як гаворыць сама назва, – гэта падарожжа па неабсяжных прасторах традыцыі, духоўнай спадчыны. Перадача мае свой дэвіз: як мага менш палітыкі ў культуры і як найбольш культуры ў палітыцы.