Саюз Вызваленьня Беларусі

Гісторыя антысавецкага супраціву ў адрозьненьні ад суседзяў была суцэльнай “белай плямай” у беларускай гістарыяграфіі. Саюз вызваленьня Беларусі – адна з тых арганізацыяў, што былі створаныя маладымі патрыётамі, якія былі гатовыя ахвяраваць сабой дзеля незалежнасьці Беларусі. Доўгі час пра гэтую арганізацыю ведалі толькі самі яе ўдзельнікі, якія прайшлі праз сталінскія лягеры і архівы КДБ. Калі ў 1991 годзе Беларусь аднавіла сваю незалежнасьць, шмат хто з былых “вызваленцаў” пачаў гаварыць. Праўда пра поўнае прыняцьце саветаў Беларусамі ў выніку аказалася дрэнна складзеным міфам. Вяртаньне нацыянальных сымбаляў давала надзею на рэабілітацыю і пачэснае мейсца для змагароў са сталінізмам. Але ў выніку сытуацыя гэтак і не зьмянілася: архівы па-ранейшаму хаваюць ад нас праўду. Гэтае выданьне – спроба сабраць разам успаміны сябраў арганізацыі і тыя парэшткі, якія ўдалося вырваць з архіву спадкаемцаў Дзяржынскага.