Наша страва

Кніга аўтарства вядомага апалягета “ліцьвінскага руху” Алеся Белага сікріаваная перадусім для адраджэньня традыцыйных страваў, якія дзе-нідзе яшчэ перадаюцца з пакаленьня ў пакаленьне. Кожная з прапанаваных страваў вядома заслугоўвае на асобную кнігу. Аднак гэта першая спроба вярнуць да жыцьця традыцыйныя стравы продкаў і яна можа стаць сапраўдным “піянерам” адраджэньня традыцыйнай кухні Беларусі. Ня толькі рэцэпты, але і гісторыя зьяўленьня страваў будзе цікавая кожнаму хто зьвернецца да выданьня. Вядома беларуская кухня нашмат больш багатая, многія стравы і напоі засталіся па-за ўвагай, але аўтар зьвяртае ўвагу перадусім на тыя стравы безь якіх не абыходзілася жыцьцё беларусаў у мінулым. Пэўныя зьмены ў кулінарным каноне Беларусі былі зьвзаныя з клясавымі зьменамі 20 стагодзьдзя, менавіта тады з-за саветызацыі закінутымі засталіся многія традыцыйныя яшчэ ў 19 стагодзьдзі стравы. Выданьне ня толькі распавядае пра стравы, але і заклікае адраджаць традыцыю. (З.К.)