Вінцу́к (Валянці́н) Рыго́равіч Вячо́рка (нарадзіўся 7 ліпеня 1961 году, Берасьце) — беларускі палітык і мовазнавец, лідэр Партыі БНФ з 1999 па 2007 год.

Валянцін Вячорка нарадзіўся 7 ліпеня 1961 году ў Берасьці. Скончыў філялягічны факультэт БДУ (1983). Працаваў выкладчыкам у Менскім дзяржаўным пэдагагічным інстытуце і ў Беларускім гуманітарным ліцэі, а таксама журналістам і намесьнікам галоўнага рэдактара часопіса «Спадчына».

З 1979 году Вячорка стаў актыўным удзельнікам нацыянальнага руху Беларусі. Ён зьяўляўся ініцыятарам некалькіх юнацкіх культурных групаў і арганізацыяў: «Беларуская сьпеўная майстроўня» (1979—1984), «Талака» (1986—1989), Канфэдэрацыі беларускіх юнацкіх арганізацыяў (1988—1989).

Вінцук Вячорка балятаваўся ў дэпутаты ў Вярхоўны Савет Рэспублікі Беларусь.

У 1988 зьяўляўся адным з заснавальнікаў Беларускага Народнага Фронту «Адраджэньне». Вячорка быў кіраўніком камісіі па праграмных дакумэнтах і чальцом кіраўніцтва партыі. У 1995—1999 гадах ён быў намесьнікам старшыні БНФ.

Аўтар і ўкладальнік шэрагу кніжак. Вядомы беларускі мовазнаўца і распрацоўшчык беларускага клясычнага правапісу.

Вінцук Вячорка зьяўляецца заснавальнікам і кіраўніком адукацыйнай недзяржаўнай арганізацыі «Цэнтар Супольнасьць», у 1997 быў сузаснавальнікам, а ў 1999—2000 старшынём Рабочай групы Асамблеі дэмакратычных няўрадавых арганізацыяў Беларусі.

Вінцук Вячорка валодае некалькімі эўрапейскімі мовамі, жанаты, мае 3 дзяцей — Радаславу, Ружану і Франка. Франак Вячорка — грамадзкі дзяяч, журналіст. Жонка Вінцука — Арына — музычны прадусар, памерла ў 2012 годзе.

Крыніца: be-tarask.wikipedia.org

Вячорка Вінцук :: Выданьні

audio

Па-беларуску зь Вінцуком Вячоркам

Па-беларуску зь Вінцуком Вячоркам

Эканомія мовы

Вячорка Вінцук

Першая Папярэдняя [21-22] Наступная Апошняя