Артур Клінаў нарадзіўся ў 1965 г. у Мінску.

Беларускі мастак-канцэптуал (жывапісец, перформер), пісьменнік і фатограф.

У 1987 годзе скончыў архітэктурны факультэт. Яго работы выстаўляліся ў Беларусі і за мяжой, у тым ліку ў Польшчы і Нямеччыне. З 1998 года — прэзідэнт Беларускай асацыяцыі сучаснага мастацтва. З 2001 г. — выдавец часопіса pARTisan. Аўтар фотаальбома пра Мінск, а таксама кнігі «Малая падарожная кніжка па Горадзе Сонца», у якой асабістыя перажыванні аўтара пераплятаюцца з апісаннем гісторыі і архітэктуры горада. Назва адсылае да ўтапічнай працы Тамаза Кампанэлі (Горад Сонца).