Кастусь Кірэенка (Канстанцін Ціханавіч), (12 снежня 1918, в. Гайшын, цяпер Слаўгарадскі раён — 15 верасня 1988) — беларускі паэт, перакладчык, журналіст і рэдактар.

Скончыў Гомельскі педагагічны інстытут у 1940 годзе. Пасля некалькіх месяцаў працы ў школе быў прызваны ў Чырвоную Армію. Падчас Вялікай Айчыннай вайны — вежавы стралок танка, потым карэспандэнт армейскай газеты на Заходнім і 2-м Беларускім франтах. Пасля дэмабілізацыі працаваў у часопісах «Беларусь» (1945—1962), галоўным рэдактарам часопісаў «Бярозка» (1962—1972) і «Полымя» (1972—1986). У 1980—1984 гадах з'яўляўся дэпутатам Вярхоўнага Савета БССР.

Друкаваўся з 1939 года. Аўтар зборнікаў паэзіі «Ранак ідзе» (1945), «Пасля навальніцы» (1947), «Мая рэспубліка» (1949), «Маякі» (1952), «Родны свет» (1952), «Любоў і дружба» (1955), «Светлая хваля» (1959), «Антонавы грахі» (вершаваныя фельетоны, 1960), «Слаўся, юнацтва» (1961), «Вернасць» (1961), «Смага» (1962), «Жывыя ідуць наперад» (1964), «Цёплая радуга» (1966), «Кніга ста песень» (1971), «Слухайце ластавак» (1974), «Сіні вырай» (1976), «Вёсны веснаваць» (1979), «Дэкрэтам сэрца» (1983), «Калыска вятроў» (1985), «Надзея» (1985). Для дзяцей выйшлі паэма «Алёнчына школа» (1951), кніжкі вершаў «Зялёнае рэха» (1953), «Вясна-красна» (1956), «Сад піянерскі» (1960), «Урачыстая песня» (1965), «Прысяга» (1969), вершаў і паэм «Размова з капітанамі» (1987). У 1969 і 1978 гадах выйшлі Выбраныя творы ў 2-х, у 1986—1988 гг. — Збор твораў у 3 тамах.

Выдаў кнігі аповесцей і апавяданняў для дзяцей «Сум і радасць дзеда Рэпкі» (1967), «Ручаіны шукаюць ракі» (1967), «Алесева кніжка» (1972), «Вандроўнае шчасце: Рыбацкая паэма» (1977), кнігі публіцыстыкі «Амерыка здалёку і зблізку» (1971) і «Заўсёды з Радзімай» (успаміны, эсэ, нататкі, 1980).

Крыніца: be.wikipedia.org

Кірэенка Кастусь :: Выданьні

Збор твораў: У 3 т. Т. 3

Вершы, паэмы, апавяданні

Кірэенка Кастусь

Трэці том склалі вершы і паэмы 1981—І986 гг., а таксама празаічная паэма «Вандроўнае шчасце» і апавяданні, напісаныя ў розныя гады. Болей »

Надзея

Вершы і паэмы

Кірэенка Кастусь

Прыгажосць і веліч нашай Радзімы. багаты маральны воблік савецкага чалавека — асноўныя тэмы зборніка. Болей »

Дэкрэтам сэрца

Вершы і паэмы

Кірэенка Кастусь

Кнігу склалі новыя вершы вядомага беларускага паэта, лаўрэата Дзяржаўнай прэміі імя Янкі Купалы Кастуся Кірэенкі. Паэзія паэта наступальная, жыццесцвярджаль-ная. Пранікнёна піша паэт пра Радзіму, пра яе не-паўторную прыроду. Сваё мудрае слова адрасуе ён і моладзі. Болей »

Выбраныя творы ў двух тамах

Вершы

Кірэенка Кастусь

Палымяная, тэмпераментная паэзія Кастуся Кірэенкі даўно вядома ягоным шматлікім чытачам. Першы том выбраных твораў паэта склалі лепшыя ўзоры лірыкі з часоў вайны аж да нашага дня. Радзіма, Партыя, Маці, Каханая — пра іх гаворыць паэт праўдзіва, шчыра, пранікнёна. Болей »

Выбраныя творы ў двух тамах

Паэмы. Апавяданні. Аповесць

Кірэенка Кастусь

Другі том выбраных твораў Кастуся Кірэенкі склалі паэмы розных год, апавяданні, а таксама аповесць «Сум і радасць дзеда Рэпкі». Лірызм, веданне прыроды і душы чалавека выгодна вылучае Кастуся Кірэенку як майстра паэмы, паэтычнай прозы. Болей »

Прысяга

Вершы і паэмы

Кірэенка Кастусь

Кастусь Кірэенка для дзяцей і юнацтва піша шмат і цікава. Яго вершы і паэмы вучаць дзяцей любіць Радзіму, паважаць чалавека працы, адкрываюць дзівосны свет навакольнай рэчаіснасці, захопліваюць рамантыкай подзвігу, выхоўваюць актыўна-творчае стаўленне да жыцця. Аб гэтым гаворыцца на асобных старонках паэм «Алёнчына школа», «Зялёнае рэха», «Урачыстая песня» і ў вершах «Караблі», «Конь Даватара», «Зіма ў лесе», «Даліна чабору», «Дарога ба... Болей »

Цёплая радуга

Кірэенка Кастусь

Новыя вершы Кастуся Кірэенкі — гэта ўсхваляваны глыбокі роздум аб высокім чалавечым абавязку, аб любві і вернасці радасці жыцця, аб прызначэнні паэзіі і прызванні паэта. Паэма «Іспанка», якой адкрываецца кніга,— лірычная песня пра шчасце мець Радзіму, пра інтэрнацыянальнае брацтва людзей. Болей »

Слаўся, юнацтва

Кірэенка Кастусь

Родны свет

Вершы і паэмы

Кірэенка Кастусь

pdf

Скрыжалі памяці

З творчай спадчыны пісьменнікаў Беларусі, якія загінулі ў гады Другой сусветнай вайны

Не адна ваенная навала пракацілася па беларускай зямлі, пакідаючы папялішчы і руіны, а ў людскіх сэрцах — гора і пакуты. Аднак менавіта ХХ стагоддзе застанецца ў гісторыі як адно з самых крываватрагедыйных, і найперш з тае прычыны, што гітлераўскі фашызм у гады Другой сусветнай вайны знішчыў мільёны чалавечых жыццяў. Кожны трэці беларус загінуў у полымі суровага ліхалецця. Смерць аднаго чалавека — гэта невымерная трагедыя, бо разам з ім... Болей »

Першая Папярэдняя [1-2] Наступная Апошняя