Прадложаная гэтым праца тварылася ў атмасфэры перакананьня, што "Усе людзі родзяцца свабоднымі і роўнымі адносна свае годнасьці і сваіх правоў". У межах гэтых правоў існуе права на карыстаньне духовымі асягненьнямі людзкасьці, як і гонар індывідуальнага прыняцьця адказнасьці ўгаліне культурнага поступу ў васяродзьдзі нашае расы. Роўнасьць і права вымерваюцца ахвочасьцю ўзяць і даць. Іншымі словамі: роўнасьць вымерваецца нормаю вышэйшых асягненьняў пазытыўнага ўкладу ў галіне культуры, вялікаю вартасьцю годнасьці чалавека, які паставаю свайго інтэлекту змушае іншых лічыцца зь ягонымі пастулятамі як роўнага ў сям'і роўных. Тое, што творыць сабою зьмест "Лепшых думак чалавека" - гэта вынік веры чалавека ў лепшыя духовыя ўмовы быту, свабоды; гэта працэс ягонага думаньня ці - выніку таго, што, пачынаючы ад дня ягонага нараджэньня і да самае сьмерці, кіруе ім - ягонага розуму.