Энцыклапедыя «Тэатральная Беларусь» — першае ў гісторыі нацыянальнай культуры галіновае навукова-даведачнае выданне, прысвечанае тэатральнаму мастацтву: драматычнаму, музычнаму, лялечнаму. Мэта выдання — паказаць працэс развіцця тэатра Беларусі ад старажытнасці да нашых дзён, яго гісторыю, тэорыю і практыку. Энцыклапедыя складаецца з 2 тамоў, у якіх змешчана больш за 2 тысячы артыкулаў, прысвечаных народнаму, прафесійнаму і аматарскаму тэатральнаму мастацтву, яго формам і жанрам, драматургіі, акцёрскаму мастацтву і рэжысуры, сцэнаграфіі, тэхніцы сцэны, адукацыі, навукова-даследчай рабоце ў галіне тэатра, тэатральнаму жыццю гарадоў. У ём змешчаны шырока ўжывальныя тэатральныя тэрміны, а таксама артыкулы па літаратуры, фальклоры, выяўленчым мастацтве, радыё, кіно, тэлебачанні, друку, якія маюць дачыненне да тэатральнага мастацтва. У артыкулах пра буйныя тэатры прыведзены рэпертуарныя спісы.