У серыі з шасці кніг (па колькасці абласцей) сабраны, апрацаваны або ўпершыню запісаны легенды і паданні пра паходжанне назваў гарадоў, мястэчак і вёсак Беларусі. Адкрывае серыю Брэстчына з тапанімікай 105 населеных пунктаў Брэсцкай вобласці паводле легендаў і паданняў. Памяць людская захоўвала іх многія тсгоддзі, перадавала з пакалення ў пакаленне, і вось зараз, сістэматызаваныя і літаратурна апрацаваныя, яны выносяцца на суд чытача. У іх – жыццё народа ва ўсіх яго праявах: у радасці і ў горы, падчас трагічных падзей (войнаў, пажараў, паморкаў, нашэсцяў), што не міналі нашу старонку, і ў будзённых справах. Спроба такога выдання прадпрымаецца ўпершыню. Адрасавана тым, хто цікавіцца гісторыяй роднага краю, духоўнай культурай беларускага народа.