Карпечанка Міхась нарадзіўся ў 1959 г. у вёсцы Болін Краснапольскага раёна. Закончыў Наваельніцкую школу, Барысаўскае ПТВ № 62 будаўнікоў, філфак Белдзяржуніверсітэта. Працуе ў рэдакцыі бялыніцкай райгазеты «Зара над Друццю». Аўтар п’ес «Канвеер», «Першы пацалунак», «На парозе блакітнай вясны», «I ёй захацелася жыць», «Дачка волі» (пастаўлены заслужаным дзеячам культуры Беларусі рэжысёрам Валянцінам Ермаловічам з калектывам народнай тэатральнай студыі «Валянцін» Магілёўскага гарадскога цэнтра культуры і адпачынку), «Дождж для дваіх» і шэрага іншых. Піша прозу, публіцыстыку, гумар. Займаецца краязнаўствам.