Нямала гадоў мінула пасля вайны, а яна ўсё нагадвае пра сябе, нясе бяду... Пра гэта — аповесць Алеся Казаннікава «А зязюля кувала...». Памірае Таццяна Макарэц — галоўная гераіня твора. Памірае вялікае і супярэчлівае, як само жыццё, каханне, ломіцца лёс многіх людзей. Але менавіта ў гэтай смерці праяўляюцца веліч душы чалавека, вытокі яго мужнасці. Глыбокай думкай, значным эмацыянальным запалам вызначаюцца і апавяданні пісьменніка.