Мы жывем у такі час, калі па ўсім зямным шары рэхам аддаецца покліч свабоды і дэмакратыі. Усходняя Еўропа адхіліла таталітарныя формы кіравання, якія праіснавалі амаль палову стагоддзя, а рэспублікі былога Савецкага Саюза вядуць барацьбу за тое, каб замяніць камуністычны рэжым з амаль 75-гадовай гісторыяй на новы дэмакратычны лад, якога ў іх ніколі не было. Але за драматычнымі падзеямі, якія суправаджаюць надзвычайныя палітычныя змены ў Еўропе, ад нас у значнай ступені хаваецца тое абяцанне будучай дэмакратыі, якое змабілізавала людзей ва ўсім свеце. Паўночная і Паўднёвая Амерыка зараз фактычна ўтварылі паўшар’е дэмакратыі; Афрыка перажывае беспрэцэдэнтную эру дэмакратычных рэформ; новыя, дынамічныя дэмакратыі ўкараніліся таксама ў Азіі (Уводзіны, фрагмент).