Свет выяўленчага мастацтва — і прываблівы, і, бывае, не такі ўжо просты — нясе чалавеку неацэннае духоўнае багацце. Трывалае сяброўства з творчасцю мастакоў неабходна, па сутнасці, чалавеку любой прафесіі, калі ён хоча быць гарманічна развітай асобай, паўнацэнным будаўніком камунізма. У гэтых эцюдах пра станковы жывапіс Беларусі XX стагоддзя чытач знойдзе штрыхі да творчых партрэтаў шэрагу жывапісцаў, роздум пра паасобныя іх карціны, пазнаёміцца з эпізодамі жыцця і творчасці мастакоў розных пакаленняў — сучаснікаў Вялікага Кастрычніка, першых пяцігодак Краіны Саветаў, удзельнікаў Вялікай Айчыннай вайны, нашых з вамі сучаснікаў. Кніжка адрасавана ўсім, хто цікавіцца выяўленчым мастацтвам. Пажадана, каб чытачы кніжкі не абмінулі і тую літаратуру па выяўленчаму мастацтву, якая выходзіць у рэспубліцы.