Біблейскае таварыства прапануе вам, шаноўныя чытачы, новае выданне Бібліі ў перакладзе на сучасную беларускую мову. Асаблівае значэнне выпуск гэтай Бібліі набывае ў юбілейны год беларускага кнігадрукавання, якое ўрачыста будзе адзначаць сваё 500-годдзе! З моманту выхаду першага выдання прайшло ўжо болын за пяць гадоў. Пры падрыхтоўцы да новага выдання рэдакцыйным аддзелам Біблейскага таварыства была зроблена вялікая праца па выпраўленню і ўдакладненню перакладу з улікам найболын каштоўных з тысяч заўваг і прапаноў, якія паступілі ў наш адрас за мінулы час. Болынасць з іх датычіліся Навага Запавету. У гэтым выданні Бібліі вы, шаноўныя чытачы, знойдзеце фрагменты тэксту, узятыя ў квадратныя дужкі. Гэта словы, якія адсутнічаюць у арыгінальных тэкстах, але ўстаўлены для тлумачэння сэнсу і злучэння слоў у адпаведнасці з сучаснымі нормамі беларускай мовы. Курсівам у тэксте Новага Запавету выдзелены сказы і асобныя словы, якія цытуюцца паводле Старога Запавету. (Прадмова, фрагмент)