Беларуская рэспубліканская грамадская арганізацыя «Аб’яднаны шлях» з’яўляецца некамерцыйнай арганізацыяй дабрачыннага характару дзейнасці, місія якой - садзейнічаць развіццю грамадскіх арганізацый Беларусі, дапамагаючы ім эфектыўна працаваць і заваёўваць прызнанне грамадскасці. Праграмы БРГА «Аб’яднаны шлях» накіраваны на забеспячэнне магчымасцяў самаму шырокаму колу прадстаўнікоў трэцяга сектара нашай краіны ў наладжванні інфармацыйнага абмену і супрацоўніцтва паміж беларускімі і замежнымі грамадскімі арганізацыямі. Увесну 1999 года быў выдадзены «Дайджэст перыядычных выданняў НДА», куды ўвайшла інфармацыя аб некаторых выданнях і іх лепшыя (на наш погляд) артыкулы. Зараз, у якасці працягу гэтага дайджэста, мы маем гонар прапанаваць увазе грамадскіх дзеячаў і усіх тых, каго цікавіць дзейнасць некамерцыйных арганізацый, «Даведнік перыядычных выданняў беларускіх грамадскіх аб”яднанняў». (Уступ, фрагмент)