Беларускія народныя гульні, як песні і танцы, — неад'емная частка народнай культуры. Яны цесна звязаны з нацыянальнымі традыцыямі, працоўнай дзейнасцю людзей, іх звычаямі, побытам. Таму сюжзты гульняў вельмі разнастайныя. Упершыню кніга была выдадзена ў 1969 годзе ў выдавецтве «Народная асвета» і карысталася вялікім попытам. Гэта выданне значна дапоўнена, а таксама ілюстравана. Даецца апісанне народных гульняў шырокага ўзроставага дыяпазону. Гульні простыя ў арганізацыі, не патрабуюць адмысловага інвентару і спартыўнай залы. Матэрыял кнігі можа быць выкарыстаны выхавацелямі дзіцячых садкоў, настаўнікамі пачатковых класаў, выкладчыкамі фізічнай культуры ў школах, а таксама ўсімі дзецьмі.