Гісторыя беларускай зброі і вайсковага ўбору, як і шмат якія старонкі гісторыі Беларусі, доўгі час заставалася "белай плямай". Гэтае выданне з’яўляецца спробай паказаць на матэрыялах гістарычных крыніц, археалагічных і канаграфічных знахо дак шляхі развіцця беларускай вайсковай справы, аднавіць знешні выгляд беларускага воя з часоў Полацкага княства да падзелаў Рэчы Паспалітай. Беларусь, якая знаходзілася на скрыжаванні шляхоў, спрадвеку адчувала ўплывы як Усходу, так і Захаду. Беларускія воі, змагаючыся з захопнікамі, засвойвалі ўсё лепшае з арсенала ворагаў, прыстасоўвалі да сваіх умоў, рабілі ўласныя вынахо дніцтвы ў вайсковым мастацтве. (фрагмент)