У дапаможніку выкладзена гісторыя беларускага мовазнаўства 1918–1941 гг. Пададзена перыядызацыя гісторыі беларускай лінгвістыкі міжваенных гадоў. Асэнсаваны прэскрыптыўна-нармалізацыйны характар і дачыненні з тагачаснай уладай. Многа ўвагі ўдзелена тэме правапіснага рэгулявання беларускай мовы. Прадстаўлены акалічнасці выпрацоўкі навуковай тэрміналогіі і канцэпцыі фарміравання беларускай літаратурнай мовы ў 1920-я гг. Разгледжаны сітуацыйныя, асяроддзевыя і іншыя фактары выспявання і рэалізацыі рэформы беларускай мовы ў пачатку 1930-х гг., пастанова СНК БССР «Аб зменах і спрашчэнні беларускага правапісу» 1933 г. як палітычны акт і навуковы твор, кампанія за «культуру мовы» і лексікаграфічныя працы 1930-х гг.