Народны Альбом. 20 год / Narodny Albom. 20 lat

Стваральнікам канцэпцыі праекту і аўтарам большасці тэкстаў песень стаў менскі графік, дызайнер, паэт і перакладчык Міхал Анемпадыстаў. Як прыгадвае ён сам, у 1994 годзе крыху выпадкова напісаў некалькі тэкстаў. Яны не ўпісваліся ў стылістыку, якой у той час займаўся. Аднак былі яны настолькі цікавыя, што неўзабаве з'явілася ідэя, якая дазволіла не толькі выцягнуць іх з шуфляды, але і зрабіць з іх сапраўдныя гіты. Удзельнікі новага праекту далі яму назву «Народны Альбом». Праект быў не толькі новы, але і наватарскі: ён быў задуманы як музычная экспедыцыя ў раёны даваеннага польска-савецкага памежжа.