Саракагоддзе Беларускага грамадска-культурнага таварыства ў Полыычы (1956—1996). 26 лютага 1956 года адбыўся ў Беластоку першы, заснавальны, з'езд Беларускага грамадска-культурнага таварыства, якое безупынна вядзе сваю дзейнасць да сённяшніх дзён. На працягу сваёй гісторыі Таварыства вядзе актыўную дзейнасць, накіраваную на развіццё беларускай культуры і асветы, на паглыбленне нацыянальнай свядомасці і ўзбагачэнне грамадскага жыцця беларускай нацыянальнай меншасці ў пасляваеннай Польшчы. Сярод важных дасягненняў Таварыства трэба падкрэсліць дапамогу ў развіцці беларускага школьніцтва на ўзроўні пачатковых школ і ліцэяў, а таксама стварэнне беларускага філалагічнага факультэта ў Варшаўскім універсітэце і ў Настаўніцкай завочнай студыі ў Беластоку, падпісанне пагаднення з уладамі Рэспублікі Беларусь, на аснове якога штогод праводзіцца набор студэнтаў у ВНУ на Беларусі, стварэнне і развіццё літаратурнага асяроддзя і выдавецкай дзейнасці, стварэнне беларускага штотыднёвіка «Ніва», развіццё мастацкай самадзейнасці ў галіне аматарскіх тэатраў, пеўчых і танцавальных калектываў, самадзейнай мастацкай творчасці, дэкламатарскага руху, стварэння беларускага музея ў Белавежы, пабудовы беларускага музея ў Гайнаўцы, правядзення больш за 3 тысячы аўтарскіх сустрэч і вельмі многа канцэртаў (...)