Князь Юрай Лынгвеневіч Мсціслаўскі

Кніга прысвечана малавядомай постаці айчыннай гісторыі XV стагоддзя. Унук Альгерда i Дзмітрыя Данскога, Юрай Мсціслаўскі ўваходзіў у кола найвышэйшай знаці Усходняй Еўропы, браў удзел у многіх важных падзеях сваёй эпохі. У працы закрануты шэраг актуальных пытанняў царкоўнай гісторыі, сярод якіх праблема ўзаемадачыненняў праваслаўнай i каталіцкай канфесій, лёс Фларэнтыйскай вуніі на ўсходнеславянскіх землях. Асаблівая ўвага аддадзена Мсціслаўскаму княству - вотчыннаму ўладанню Юр'я. Кніга змяшчае дакументальны дадатак i ілюстрацыйны матэрыял. Для спецыялістаў i ўсіх, хто цікавіцца гісторыяй Сярэднявечча.