Арляк і зязюля

"Апантаная любоў", "Светлая мелодыя кахання" — загалоўкі рэцэнзій на першую кнігу дылогіі — раман "Явар з калінаю" (1994). Тэма кахання дамінуе і ў гзтай, другой яе кнізе. Да асноўных персанажаў дзвюх кніг, а гэта памочнік ляснічага Іван Гаркуша і яго жонка Зоя Пятроўна, у новым рамане далучаецца яшчэ адна галоўная гераіня — іх дачка Насця. Яе безагляднае каханне надало жыццю Гаркушаў той выключны драматызм, калі ў невялікай "сямейнай кроплі" адлюстраваўся надзвычай шырокі комплекс грамадскіх праблем — сямейна-бытавых, маральна-этычных, эстэтычна-філасофскіх. Ва ўмовах сацыяльнай задухі пасляваенных дзесяцігоддзяў просты, дый "элітарны", чалавек шукае сабе на роднай зямлі шчасця — але ці знаходзіць?.. Сюжэт кнігі ў многім абумоўлены цесным перапляценнем яго рамантычнай і дэтэктыўнай ліній.