3 усіх краін сьвету толькі Расея вуснамі сваіх палітыкаў і грамадзкіх дзеячаў заявіла свае прэтэнзіі на нашу Радзіму. Яны непрыхавана і прама заявілі, што ім патрэбна Беларусь, каб аднесьці расейскую мяжу на 700 кіламетраў на захад, ім патрэбна Беларусь, каб мець беспасярэдні транспартны калідор на захад. Гэта шчырыя каланіяльныя прэтэнзіі таго ж кшталту, што і славутае "прасяканне акна ў Еўропу", "уз'яднанне славян", "дбанне пра прагрэс меньшых братоў". Дзеля маскавання гэтых сваіх драпежных і злавесных планаў расейскія імперыялісты і іхняя пятая калона ў Беларусі ўжываюць самыя розныя аргуманты. Яны прыхарошваюць гісторыю дачыненняў беларусаў з маскалямі, хаваючы трагічны для нашага народу вынік такіх дачыненняў. Для апраўдання неабходнасьці "ІнтэграцыІ" прыцягваюцца нават самыя прымітыўныя доказы. Ды насуперак усім "доказам" відаць адно: "ты вінаваты тым, што хочацца мне есьці", Высьвятленню стаўлення Расеі да Беларусі і прысьвечана гэтая брашура.