Кніга Аркадзя Смоліча – гэта не падручнік па геаграфіі, хаця можна яе выкарыстоўваць і ў якасці падручніка. Гэта больш даследаванне-апісанне Беларусі з пункту гледжання этнографа, антраполага, гісторыка. Ёсць у ёй і звесткі дакладна геаграфічныя, але гэта толькі дадатак да агулу. Багата ілюстраваная кніга, выдадзеная ў пачатку ХХ стагоддзя, была своеасаблівым працягам даследаванняў Яўхіма Карскага. Кніга была завершана ў 1919 годзе. «Геаграфію Беларусі» (у арыгінальным напісаньні — «Географія Беларусі»), першая і, пэўна, галоўная кніга Смоліча, якая адкрывалася эпіграфам «Каб Беларусь перастала быць краем, невядомым для саміх беларусаў». «Геаграфія Беларусі» Аркадзя Смоліча — паважны навуковы твор і адначасова жывы, пранікнёны аповед пра беларускую зямлю, яе прыроду, гаспадарку і народ. У сваім часе яна атрымала шырокае грамадзкае прызнаньне, сталася незаменнай крыніцай радзімазнаўства, добра прычынілася да самапазнаньня беларусаў.