Складальніку гэтага зборніка пашчасціла нарадзіцца і вырасці ў вясковай палескай сям'і, дэе бацькі стараліся выхаваць у дзяцей павагу, любоў і цікавасць да мінуўшчыны свайго народа, яго традыцый, вераванняў, песняў, легенд і паданняў. Сабраны фальклор тэматычна размешчаны ў дзевяці раздзелах. Жанравы змест многіх з раздзелаў можна лічыць, параўнальна, умоўным. Так, змешчаная ў раздзеле I зімовая песня "Мароз, мароз" адначасова можа быць аднесена да раздзелу VII "Засцярогі ад ліха..." і г.д. Што да другой часткі раздзелу "І.Сакральны фальклор", то трэба адзначыць, што выкананне віншавальных песень напярэдадні свята Нараджэння Хрыста - гэта калядаванне, а выкананне такіх жа песень напярэдадні Новага года - шчадраванне. Дык вось, у Кажан-Гарадку калядныя песні спяваюць вечарам перад наступленнем Новага года (па старым стылі) - шчадругоць, а не калядуюць! Асаблівасць зборніка - "Раздзел XI. Лаянковыя фразеалагізмы..." Спецыфіка ўказанага раздзелу патрабуе адпаведных каментарыяў, што і зроблема непасрэдна на яго старонках.