Вандруючы разам з гэтым выданнем па старым цэнтры - унікальным у Беларусі архітэктурным запаведніку, Вы здолееце перанесціся ў самыя розныя часы і эпохі. На Замкавай гары, на высокім беразе Нёмана, каля муроў сярэдневяковай крэпасці князя Вітаўта, дзе і быў заснаваны Гродна, заўсёды ўзнікае пачуццё гонару за нашых продкаў. У БарысаТлебскай царкве, свяшчэнным для беларусаў праваслаўным храме XII стагсддзя, вы адчуеце подых вечнасці і сувязь вякоў. Зачаруюць Вас сваёй магутнасцю і веліччу каталіцкія храмы - Езуіцкі, Бернардынскі і Брыгіцкі касцёлы XVII-XVIIІ стагоддзяў. А ў гродзенскіх музеях сабраны ўнікальныя калекцыі сапраўдных скарбаў і рэліквій даўніны, аб якіх мараць вядучыя музеі Еўропы. У нас унікальныя помнікі гісторыі, створаныя рукамі таленавітых майстроў. 3 кожным годам расце зацікаўленасць культурнымі каштоўнасцямі Гродна. А сам горад прымае ўдзел у праграме "Еўропа - агульная спадчына" пад патранатам Савета Еўропы і ў іншых праектах сусветнага значэння.