Тыднёвік беларусаў Польшчы "Ніва" штогод аб'яўляе літаратурны конкурс для трох узроставых групаў - для дзяцей, моладзі і дарослых. Па выніках конкурсу традыцыйна з'яўляецца зборнік конкурсных твораў, узнагароджаных і не толькі. У Зборніку знойдзеце вершы пачаткоўцаў, а таксама масцітых складальнікаў словаў. Не знойдзеце затое тут ні таго, што публікавалася дзе-колечы раней, ні твораў нічкіх прафесійных літаратараў, ці сяброў літаратурных аб'яднанняў. Конкурс - для аматараў, хаця некаторым вершам могуць пазайздросціць і прафесіяналы. Зборнік “Зноў чуеш словы” – вынік Трэцяга агульнапольскага конкурсу беларускацй паэзіі і прозы. Тут і зусім новыя аўтары, і тыя, хто прымаў удзел у першым і другім конкурсаў, але не пакінулі пісання, і ствараюць новую беларускую літаратуру Польшчы надалей.(Н.Г.)