Полацкі Спаса-Еўфрасіннеўскі манастыр

Манастыр знаходзіцца на правым беразе ракі Палата, быў заснаваны Еўфрасінняй Полацкай у 1120-я гады. З тых часоў захавалася Спаса-Праабражэнская (Спаса-Еўфрасіннеўская) царква. Звесткі аб яе будаўніцтве ёсць у “Жыціі Еўфрасінні Полацкай”: “И тако начаста пребывати в монастыри. И посему блаженная Ефросиния заложи церковь каменну св. Спаса“. Верагодна, храм быў пабудаваны пасля смерці князя Усяслава Брачыславіча. Храм быў пабудаваны дойлідам Іаанам, з’яўляецца выдатным помнікам полацкай школы. Храм захаваўся амаль цалкам, перабудоўваўся пераважна ў верхняй частцы. Унутры царквы захаваліся ўнікальныя фрэскі ХІІ стагоддзя.