Супрацоўнікі выдавецтва "Народная кніга" вырашылі дапамагчы як прафесійным, так і непрафесійным паэтам, празаікам, драматургам, публіцыстам і ў значнай ступені "разгрузіць" розныя перыядычныя выданні ад неабавязковай для іх ‘літаратурнай пошты". Рэспубліканскі літаратурна-мастацкі альманах "Гоман” — гэта серыйнае выданне, на старонках якога змогуць рэгулярна друкавацца ўсе тыя, хто сёння абдзелены ўвагай літаратурных і грамадска-палітычных перыядычных органаў друку, а таксама прафесійныя літаратары.