Яе паэзія - прастора для лінгвістычных гульняў, спроба пераасэнсаваць свае карані з дапамогай фальклорных матываў, замоўнай мелодыкі вершаў. Ганна Шакель - паэтка і перакладчыца. Нарадзілася 7 ліпеня 1998 г. у Маладзечна на Міншчыне. Атрымала адукацыю ў МДЛУ. Навучалася ў Беларускім Калегіюме і Школе маладога літаратара «W/Rights». Публікавалася ў выданнях litaratura.org, "Маладосць" і "Дзеяслоў", брала ўдзел у праекце ZRAMY. Пераможца конкурсу рукапісаў "Неба з сабой". Асобныя творы перакладзеныя на англійскую, нямецкую, украінскую, нарвежскую мовы.