Антыўтопія „Праўдзівая гісторыя Краіны Хлудаў” („Правдивая история Страны Хламов”) была напісаная ў часы г. зв. „перабудовы”, калі замест „турмы народаў” – Саюзу савецкіх сацыялістычных рэспублікаў – на мапе сьвету зьявілася пятнаццаць незалежных дзяржаваў. Упершыню рускамоўны варыянт антыўтопіі пабачыў сьвет у 1991 г. у Кішынёве (малая радзіма Віктара Галкова, цяпер вядомага расейскага паэта). У 1994 г., у Менску, быў надрукаваны беларускамоўны варыянт антыўтопіі „Праўдзівая гісторыя Краіны хлудаў”. Творчае супрацоўніцтва літаратараў дазволіла на аснове невялікага мястэчка стварыць цэлы сьвет: непераадольна адмежаваную ад навакольля Высокім квадратным парканам Краіну Хлудаў. (Прадмова, фрагмент)