Творчасць Якуба Коласа складае адну з самых бліскучых і цікавых старонак у гісторыі беларускай літаратуры, а імя паэта ставіцца ў адзін рад з імёнамі найбольш выдатных майстроў мастацкага слова іншых народаў. Літаратурная і грамадская дзейнасць славутага песняра беларускага народа прыпадае на вельмі важны перыяд гістарычнага развіцця грамадства — перыяд падрыхтоўкі і ажыццяўлення Кастрычніцкай рэвалюцыі і будаўніцтва сацыялізма ў нашай краіне. Гэта гераічная эпоха мужнага змагання і велічных перамог знайшла ў асобе Якуба Коласа аднаго з таленавіцейшых сваіх летапісцаў. (фрагмент)