Падрыхтоўка і выданне гэтага каталога мела на мэце пазнаёміць шырокія колы аматараў выяўленчага мастацтва з Гродзенскай абласной арганізацыяй Саюза мастакоў Беларусі ў яе сучасным стане, з мастакамі, якія ўваходзяць у яе склад, з іх творчымі магчымасцямі, імкненнямі і намаганнямі. Гродзенская абласная арганізацыя Саюза мастакоў Беларусі адносна маладая. Створаная на базе мастацкіх майстэрняў у 1971 г., яна аб 'яднала жывапісцаў і графікаў, скульптараў і майстроў інтэр 'еру, мастакоў ману-ментальнага і дэкаратыўна-прыкладнога мастацтва, што жывуць і працуюць У Гродна і вобласці. Вядома, больш чым за 20 гадоў існавання склад арганізацыі значна змяніўся. Штогод ў яе ўліваюцца новыя маладыя мастакі і такім чынам пашыраецца не толькі яе колькаСны састаў, але і дыяпазон творчых спецыяльнасцяў. У той жа час, шэраг мастакоў з тых, хто стаялі ля вытокаў стварэння арганізацыі^спынілі сваю дзейнасць у ёй. Пайшлі з жыцця I. Пушкоў (першы старшыня арганізацыі), Д. Парахня, М. Плужнік, М. Якунін; паехалі жыць і працаваць у іншыя мясціны В. Савіцкі, Г. Буралкін, М. Апіёк і г. д. (Л. Дабравольская, фрагмент)