Другая частка падручніка Навучаемся дэмакратыі без нуды і з ахвотай складаецца з канспектаў (сцэнараў) для правядзення заняткаў з выкарыстаннем інтэрактыўных метадаў і пакету неабходных матэрыялаў. Прапанаваныя канспекты можна разглядаць як адзінае цэлае і праводзіць згодна з імі трохдзённы семінар. Тады тэма семінару будзе гучаць як Дзейнасць грамадзянскіх групаў у дэмакратычным грамадстве або прасцей Грамадзянін па шляху да дэмакратыі. На думку аўтараў, пабудова дэмакратыі грамадзянамі адбываецца перш за ўсё праз стварэнне грамадзянскіх групаў, праз выходжанне з характэрнай для таталітарызму атамізацыі грамадства. (Уводзіны, фрагмент)