2017 год быў для Беларусі няпросты і досыць трывожны, у адрознен-не ад папярэдняга, які не вызначаўся вялікай грамадскай актыўнасцю. Энергія пратэсту і незадавальнення ў грамадстве пры аўтарытарнай уладзе накопліваецца ў непрыкметных месцах, а потым імкліва і не-чакана вырываецца навонкі. Пастаянная напружанасць паміж уладамі і шырокай грамадзянскай супольнасцю ў Беларусі на працягу 23 гадоў, адмоўнае, а часам і варожае стаўленне рэжыму да дэмакратычнага гра-мадства, размова ўладаў з грамадствам на мове ціску і гвалту наклалася на сацыяльна-эканамічны крызіс, масавае збядненне людзей у апошнія гады. Да таго ў 2016 годзе прэзідэнтам падпісаны ўказ аб правядзенні пенсійнай рэформы, паводле якога з 1 студзеня 2017 года паэтапна павы-шаецца ўзрост выхаду на пенсію: жанчынам у 58, а мужчынам у 63 гады. (фрагмент)