Няма дакладных інструкцыяў да працэдуры стварэньня ЭШК. Кожная школа можа зрабіць гэта па-свойму, зыходзячы з умоваў, рэсурсаў, асаблівасьцяў і стану выхаваўчай працы ў школе. Пры стварэньні ЭШК трэба ўлічваць магчымасьці школы, рэальныя ўмовы, у тым ліку матэрыяльныя, якія змогуць забясьпечыць выкананьне задуманага. Перш за ўсё арганізатар ЭШК мусіць дакладна вызначыць мэты й задачы, зьмест і кірункі дзейнасьці, магчымых партнэраў. Напачатку стварэньня ЭШК не павінен разьлічваць на нейкае асаблівае становішча ў школе, бо ён ствараецца й існуе на правах нефармальнай арганізацыі. Лепш за ўсё, калі ён увальецца ў сыстэму выхаваўчай працы ў школе й знойдзе сваю нішу пры выкананьні агульнашкольных задачаў, будзе працаваць у шчыльнай сувязі зь іншымі клюбамі й гурткамі (напрыклад, лектарская група, клюб “Інтэлект”, клюб “Гістарычны мэрыдыян”). (фрагмэнт)