100 асобаў Беларускай Хрысціянскай Дэмакратыі

Кніга “Сто асобаў беларускай хрысціянскай дэмакратыі”, выдадзеная да стагоддзя першай беларускай хрысціянска-дэмакратычнай партыі – гэта біяграфічная панарама адразу некалькіх пакаленняў людзей, якія верылі ў Бога і любілі Беларусь. Патрыярхі-папярэднікі, якія стваралі беларускі рух; ахвярныя правадыры міжваеннай хадэцыі, большасць якіх была знішчаная бальшавікамі і нацыстамі; дзеячы 1990-ых, што аднавілі беларускую незалежнасць; і, нарэшце, іх нашчадкі і спадкаемцы з сучаснай Беларускай Хрысціянскай Дэмакратыі – гэта хвалі спрадвечнага, тысячагадовага імкнення нашых продкаў да веры і свабоды. (Ад укладальніка, фрагмент)