З канца 2014 па лета 2015 года ў Віцебску рэалізоўваўся адукацыйны курс па працы з культурнай спадчынай. Ён быў разлічаны на маладых людзей: практыкуючых студэнтаў, пачынаючых спецыялістаў, актыўных валанцёраў. Па выходных перад аўдыторыяй выступалі адмыслоўцы па ахове спадчыны, экскурсазнаўству, турызму, архітэктуры, лакальнай віцебскай гісторыі, грамадскай дзейнасці. Для правядзення заняткаў запрашаліся выключна практыкуючыя дзеячы.