У зборніку змешчаны матэрыялы Міждысцыплінарнага навуковага семінара па пытаннях даследавання Палесся, які быў праведзены ў Мінску 19 верасня 1997 г. ў рамках фота-этнаграфічнай выстаўкі «Палессе, якога не ведаем». Арганізатары семінара: Заходнепалескае навукова-краязнаўчае таварыства «Загароддзе» (Беларусь) і Кафедра этналогіі і антрапалогіі культуры Варшаўскага універсітэта (Польшча). Арганізатары выстаўкі: Пасольства Рэспублікі Польшча ў Рэспубліцы Беларусь; Консульства Рэспублікі Польшча ў Брэсце; Міністэрства культуры Рэспублікі Беларусь; Беларускі інстытут праблем культуры; Кафедра этналогіі і антрапалогіі культуры Варшаўскага універсітэта. Выстаўка экспанавалася ў красавіку-верасні 1997 г. ў Брэсцкім абласным краязнаўчым музеі, Ваенна-гістарычным музеі імя А. В. Суворава ў Кобрыне, Музеі Беларускага Палесся ў Пінску, Нацыянальным музеі гісторыі і культуры Беларусі ў Мінску.