Горад над Нёманам-ракой... Паміж Іпацьеўскім летапісам, датаваным 1128 годам. дзе ўпершыню ўпамінаецца пра Гродна — важны басціён Кіеўскай Русі на паўночным захадзе, і альбомам, які вы трымаеце зараз у руках, — багатая падзеямі гісторыя аднаго з самых старажытных гарадоў Беларусі. Тут захаваліся помнікі старажытнага дойлідства, якія сведчаць пра высокую культуру і самабытны талент нашага народа: гэта і равесніца XII стагоддзя — Каложа, і помнік архітэктуры XVII стагоддзя — Стары Замак, і будынак рускага драматычнага тэатра, пабудаваны ў другой палове XVIII стагоддзя, і доммузей выдатнай польскай пісьменніцы Элізы Ажэшка (фрагмент)