Сапраўднага вучонага нельга ўявіць без пуцяводнай зоркі—ідэі, якая не вызначала 6 напрамку яго пошукаў, не стымулявала б яго дзейнасці. Мэтай, якой прысвяціў жыццё адзін з буйнейшых збіральнікаў беларускага фальклору, даследчык нашай матэрыяльнай культуры Міхал Федароўскі, стала стварэнне ўсебаковай манаграфіі пра беларусаў. Аддаўшы вывучэнню нашага народа больш за 30 гадоў, да самай смерці не мог ён разлучыцца з любімай справаю, прызнаючыся ў адным з пісем, што да яе "прывязаўся болей, чым да жыцця". Міхалу Федароўскаму належыць адно з самых пачэсных месц сярод працаўнікоў на ніве беларускай этнаграфіі і фалькларыстыкі, сярод даследчыкаў, якія паклалі тытанічную працу над выяўленнем мастацкіх здабыткаў беларускага народа... (фрагмент)