Марыян Пецюкевіч, этнограф, грамадзкі дзеяч, прапаўнік на ніве асьветы. З аўтабіяграфіі, напісанай Марыянам Пецюкевічам па просьбе знакамітай віленскай пісьменьніцы Зоські Верас, даведваемся, што нарадзіўся ён 24 верасьня 1904 году ў вёсці Цяцеркі на Браслаўшчыне ў сям'і малазямельнага селяніна. Праз усё сваё жыцьцё Марыян Пецюкевіч актыўна ўдзельнічаў у грамадзкай працы, у такіх беларускіх арганізацыях, як Беларускі Інстытут Гаспадаркі й Культуры, Беларускі Студэнцкі Саюз.