Росіцкія мучанікі

Як нараджаецца святасць? Дзе яе вытокі і якім чынам яе заслугоўваюць людзі? Як становяцца святымі і калі? Не здараецца такое ў адзін дзень, і нельга дасягнуць святасці адным учынкам. Акалічнасці, у якіх яна нараджаецца, бываюць самыя розныя — ад выканання звычайных абавязкаў да цяжкіх выпрабаванняў і лютых мучэнняў. Каб спазнаць гэтую таямніцу надпрыроднасці і стаць яе ўдзельнікам, трэба прайсці доўгі шлях, што пачынаецца ў кожнага чалавека з матчынай калыскі і вядзе праз самыя розныя падзеі да Невымоўнага і Таямнiчага Божага Дару, якім і ёсць святасць.