Алена Мірчук нарадзілася 20 студзеня 1979 года ў Пінску Брэсцкай вобласці. Пазнен пераехала ў вёску Пінкавічы Пінскага раёна, дзе ў 1996 годзе скончыла сярэднюю школу імя Якуба Коласа. Наступны крок - вучоба ў Лунінецкім філіяле Мінскага знешнеэканамічнага тэхнікума. Вершы пачала пісаць ў 11-12 год і гэта, як прызнаецца аўтар, стала для яе неабходнасцю. Пачынаючы з 1996 года, друкавалася ў газетах «Полесская правда», «Заря», «Лунінецкія навіны». Паступова расла дасканаласць твораў, больш паглыбленым рабіўся сэнс. «Агеньчык жыцця» - першы зборнік пачынаючай паэтэссы, але можна даволі ўпэўнена меркаваць, што працяг будзе.